Jochen Wiegandt

„Hool dien Muul un sing mit“

1963 na Hamborg trocken, keem Jochen Wiegandt mit de Musik in`n Posaunenchor un mit dat Singen in en Kantorei in Kuntakt.  Amerikaansche Uttuschschölers bröchen de Begeisterung för Folksongs mit. De legendäre Star-Club lock mit Beat- un Rockmusik. „Tramps & Hawkers“ hett sien eerste Band heten mit ingelsche Texten, ut de denn 1975 de bekannte Formation „Liederjan“ wossen is. Vun nu op an würr op „goot Düütsch“ sungen. Af 1980 folgten verslungene Solopadden - t.B. an de düütschen Goethe-Institute in`t Utland, as Ledermaker un -sammler, wo ümmer ok Gitarr un Plattdüütsch to sien Reisebagaag höörten.

Al an Anfang vun de 1980er Johren arbeide he ok bi`n NDR. 1994 folgte dat Anbott, de N3 Fernsehsendung „Bi uns to Hus“ to moderieren, to de ehr „Uthingschild“ he gau avanciert is. Hüüt is he as Musikjournalist bi NDR 90,3 tätig, un as Muskant, Musiker und Musikologe unterwegs. Vele Böker un Alben tüügt vun Hartblaut för de „Liederatur“. Twüschen Tradition und Hüüt pennelnd, gelingt ehm de Spagat twüschen godet Enter- und „Infotainment“, sünnerlich mit traditionelle und egen Leder. Dorför bekeem he den Nedderdüütschen Literaturpries. Sien Motto: Tradition bedüüt nich dat Bewohren vun de Asch sünnern Wiedergaav vun dat Füer!

Jochen: Üm dat glieks ganz kloor to seggen: Dat wichtigste blifft bi mi dat Singen! An leevsten live vör Publikum – un godet Entertainment sall dat sien mit Spaaß un Mitmaken. Un denn eerst kümmt as tweetet de „Bifang“, as de Fischers seggen. Denn warrt dat „Infotainment“. D.h., ik beschäftig mi mit allet, wat in Songs, Gesäng, Couplets, Arien, Gassenhauers, Chansons un Volksleder in stickt un dor um rüm opdükert. Liederatur ünnersöcht die „pop“–Songs, de wortwörtlich „populären“ Leder ut all Tieden. Ja, de „Fack- un Saak- un Lachgeschichten“ in Achtergrund fasziniert mi evenso as de Minschen, de se vun Generation to Generation wieder geven. Veel dorvun is t.B. in Hamborg op Platt un mit wunnerbore Variationen överlievert. Fröher süng een eenfack mehr mitenanner, ok alldaags. De Volksmund drückt sien Freud un sienen Protest apen un direkt ut un bröch so manchet Volksleed op den Weg, dat uns bet hüüt wat to seggen hett.

De Intritt kost 16,-€, Folkclub-Mitglieder hebbt frieen Intritt.

↓ Hör to! ↓