Kunzert 25. Mai 2025, Klock 18:00

BBZ, Kunzertsaal

Randi Tytingvåg Trio

Randi – en eenzigortige Sängerin, de ehr Musik sülven schrifft un tosamen mit den Dichter Helge Torvund de Texten dorto verfaat. Randis Songs hannelt ümmer von sehr persönliche Beleevnissen, de se to allgemeengültige Geschichten un Utseggen verarbeit. Dat maakt ehr Stärk un Utdruckskraft ut. Randi is bekannt för ehr warme, unverwesselbore Stimm, stark un breeklich togliek. Se hett en starke Präsenz un en ehrliche Oort, mit dat Publikum to kommunizieren. Randi kümmt mit de Musikers Dag Vagle (Gitarr, Achtergrundgesang) un Erlend E. Assland (Tenorgitarr, Banjo, Mandola, Achtergrundgesang) as Randi Tytingvag Trio ut Norwegen und leggt en`n Stopp in Mölln in.

Dat Trio begeistert siet 12 Johren nich blots ehr Publikum, sünnern ok  de Musikwelt insgesamt sowohl in Norwegen as ok international. Up ooltmoodsche, vun Harten kamende Oort, treedt se blots mit en Mikro up un zelebriert ehren ganz egen Sound as en eenzig Kammerorchester mit grote dynamische Bandbreit.

In`n Song „Me ya samen“ vun ehr 10-Johren-Jubiläums-CD warrt vun dat energetische Drapen twüschen Publikum un Bühn an enen besünnern Avend vertellt. Mit kraftvulle Klääng un leidenschaftlichen Gesang vermiddelt Randi Tytingvåg de Magie un de Intensität vun de Ogenblick.

De Intritt kost 16,-€, Folkclub-Mitglieder hebbt frieen Intritt. De Kunzertsaal un ok dat hele Gelände is Rullstohl gerecht.