Möllner Folk-Kapell

& Lorenz Stellmacher

Wiehnachtskunzert

Dat warrt wiehnachtlich in`n Folkclub Mölln — folkig wiehnachtlich. An`n Nikolausdag speelt de Möllner Folkband tosamen mit ehren Bandleader Lorenz Stellmacher wiehnachtlichen Folk.

Hier erfüllt sik de Band enen langersehnten Droom: „Dat gifft so vele schöne folkige Wiehnachtsstücke, dat weer veel to schaad, de blots eenmal to Wiehnachtsproov to spelen!“, freut sik Doris Kraft, en vun de „Flöten“ ut dat Ensemble. „Folkige Wiehnachtsmusik geiht so richtig in`t Hart — dat mutt een eenfack delen un sik tosamen doran freuen.“, ergänzt Jörg-Michael Biermann ut de „Gitarrenfraktion“.

De Möllner Folkband - dat sünd begeisterte (Hobby-)Musiker*innen an ehre Fiedeln, Akkordeons, Dudelsack, Nyckelharpa, Bass und as al seggt verscheden Flöten, Gitarren, Mandola & Mandoline. Leit warrt de Möllner Folkband von Lorenz Stellmacher, de de Band mit sien fulminantet Weten över Folkmusik bestens mit Noten & Knowhow versorgt.

Dat besünnere an de Möllner Folkband is, dat se woll en egenständig Band is, över dennoch to`n Folkclub höört. Vör över 20 Johren hett Lorenz Stellmacher disse Band ut enen Speelkrei vun den Vereen  opbuut.

De Multi-Instrumentalist Lorenz Stellmacher warrt an dissen Avend ok en poor passende Stücke Solo anbeiden. Een dörf gespannt sien, welke besünneren Folkstücke he dit Mal ut sien grotet Repertoire vörstellt.

De Intritt kost 16,-€, Folkclub-Mitglieder hebbt frieen Intritt. De Kunzertsaal un ok dat hele Gelände is Rullstohl gerecht.

↓ Hör to! ↓