30. April 2024 Klock 20:00 Uhr
BBZ, Cafeteria
Danz in den Mai mit Danzfolk
Inge vertellt wat darto
Danz in den Mai — en besünner Danzhuus
Hartlich willkamen to dat eerst Danzhuus in`n Mai in den Folkclub Mölln.
De bekannte un bi Folkies geern seihn Danzband „Danzfolk“ speelt op to`n Danz. Se speelt Folkdänz ut de hele Welt.
För düsse Dänz is dat nich nödig enen tweeten Dänzer mit to bringen. De Dänz warrt to`n Bispill in`n Krink oder in`t Karree danzt. Un Partnerwessel bi de Dänz is jümmers mit dorbi.
De Danzanleiter Günter Klose hett veel Erfohrung. He versteiht dat, de Schreed mit Lichtigkeet un Freud to vermitteln. Mit de Hölp vun de Musikers köönt all Lüüd fix mit danzen.
Över ok de kunnigen Folkies warrt Pläseer hebben, denn bi all de Eenfachheet staht düsse Dänz mit Danzfolk för sehr gode Qualität in de Folkdanzszeen.
Dat nu all goot stärkt in den Mai danzen köönt, warrt de Folkclub en grotet Buffet organisieren. Dorför warrt all Gäst beden en besünnere Köstlichkeet för dat Buffet mit to bringen. As Dankeschöön warrt en Gootschien för en Gedränk utgeven.
Twüschendörch warrt dat noog Pausen geven to`n Klönen, Eten un Spaaß hebben. Un keen weet, maag sien, dat dat ok noch de een oder anner Överraschung gifft in en Danzpaus. Mihr warrt hier nich verraadt.
Nu fröht wi uns op jüch all. Laat uns tosamen mit Spaaß, dulle Dänz bi fein Musik un lecker Eten in den Mai danzen. Dat warrt en Danzhuus, dat Mölln noch nich beleevt hett un dat wiss noch lang in gode Erinnerung blieven warrt.
Dat Danzhuus in`n Mai findt statt in de Cafeteria vun dat BBZ in Mölln. De Tofohrt löppt över de Heinrich-Langhans-Sraat. Rechter Hand sünd witte Wahnblocks. Dortwüschen is en lütte Tofohrt op dat Gelände vun dat BBZ. Dor bitte rop fohren un op dat Gelände parken. Dor is allens kloor för Rullstöhl.
De Intritt kost 16 € (Minner 8€), Folkclubmaten sünd frie as jümmers.
Korten gifft dat ünner 04542 87000 oder info@folksfest-moelln.de